Skitter-atletiek in bewolkte weer by A-bond interhoër

Die A Bond interhoër atletiekbyeenkoms het Vrydag op die Pilditch stadion plaasgevind.

Pretoria se A-bond interhoër atletiekbyeenkoms is Vrydag met groot sukses by die Pilditch stadion aangebied.

Na ’n week van aanhoudende reën, wat selfs verantwoordelik was dat die C-bond se interhoër byeenkoms Dinsdag gekanselleer moes word, was dié spogskole wat deel is van hierdie byeenkoms gelukkig om die beste van twee uiterstes te beleef. Die hele byeenkoms is in swaar bewolkte weer afgehandel, maar die reën het weggebly. Die bewolkte weer het die atlete gepas, aangesien dit die bloedige Februariemaand hitte en sonskyn gedemp het.

Hierdie koeler weer het ook bygedra tot puik prestasies van die atlete. Sommige van Suid-Afrika se heel beste junior atlete was in aksie by die byeenkoms, wat met enkele uitsonderings saamgestel is uit Pretoria se beste makroskole.

Die byeenkoms is deur Hoërskool Montana aangebied en gesien in die lig van die logistiek wat hanteer moes word met sulke groot deelnemende skole, het dié skool uit die noorde van die stad hulle skitterend van hul taak gekwyt in elke opsig van die logistieke kwessies wat aangespreek moes word.

Saam met Montana was nog agt skole deel van die byeenkoms, wat byna al die streke van die Tshwane Metro verteenwoordig het. Hulle is Afrikaans Hoër Seunskool, Afrikaans Hoër Meisieskool, Hoërskool Garsfontein, Hoërskool Waterkloof, Hoërskool Menlopark, Hoërskool Zwartkop, Hoërskool Oos-Moot en Prestige College van Hammanskraal.

’n Besonder taai stryd het op die baan geheers, nie net om die byeenkoms te wen nie, maar ook om die laaste plek te vermy en deel van hierdie groep top atletiekskole te bly.

Meer besonderhede en uitslae volg later.

Het jy dalk meer inligting rakende dié storie? Stuur gerus vir ons ‘n epos na editorial@rekord.co.za of skakel ons by 072 435 7717.

Vir jou daaglikse gratis gemeenskapsnuus, besoek Rekord se webwerwe:

 

  AUTHOR
Koos Venter
sport journalist

find your
dream home

looking for an
affordable
apartment

List your Property

It's easy in only three
simple steps...

find professional
services in
your area

Locate a business
operating in
your area

List your Business

Want more customers? They're online right now, searching for businesses like yours. Place your ad now...

Latest News

COMMENTS

pta_moot ptaeast ptanorthgetitlooklocal.co.zaAutodealer.co.za
Top
Recommended Story
Menlopark wen wéér die A-bond interhoër