‘Hulle het my amper doodgeslaan’

Jacques Smith is byna doodgeslaan in Rustenburg. Foto: Facebook.
Jacques Smith is byna doodgeslaan in Rustenburg. Foto: Facebook.

Rooihuiskraal inwoner Jacques Smith het Sondagaand byna sy lewe verloor toe hy deur ’n bende by ’n stopstraat in Rustenburg geslaan en beroof is.

Smith was Sondagaand van Sun City na Kemptonpark via Phokeng op pad toe hy by ’n stopstraat stilhou.

“Toe ek weer sien, hardloop vyf of ses ouens na my bakkie toe en ruk my uit,” vertel Smith.

“Hulle het my verskriklik hard met ’n sambok geslaan en my geskop.”

Die aanval is deur die polisie stopgesit.

Die bende beweer toe dat Smith hulle beeste wou steel.

Op Smith se aandrang is hy in die polisievoertuig na die polisiekantoor gebring.

Elkeen het ’n verklaring afgelê om te sê dat Smith hul beeste probeer steel het.

Sy pa Willy het van Kemptonpark na Rustenburg af gejaag om hom te kom haal.

“Toe ek daar aankom, het die polisie die aanvallers laat gaan, maar aan my gesê hulle weet sommer die ouens praat twak. Ons is ook laat gaan,” vertel Willy.

“Toe ek Jacques terug in sy bakkie laai, het ek iets eienaardig gesien,” sê Willy.

Die ewenaar van Smith se Ford Ranger was toegedraai in doringdraad.

“Ek het toe saam met die polisie gesit en die draad afgeknip,” sê Willy.

“Dis toe ons besef dat dit eintlik ’n lokval was en dat Jacques toevallig net nie die doringdraad gesien het nie. Ons het toe ook ontdek dat die mans ook R2 000 uit sy beursie gesteel het.”

Willy het sy seun na Linmed-hospitaal in Benoni gehaas, waar hy op die oomblik is.

Sy neus is gebreek en hy het moontlik nierskade opgedoen. Hy het ook verskeie snywonde aan sy lyf en gesig.

“Ek voel nog verskriklik. Daai ouens het my goed geslaan,” sê Smith.

“Ek het net ongelukkig nie veel vertroue dat die polisie die ouens gaan vastrek nie. Ek wil graag net hê ander mense wat daar ry paraat moet wees. Ek wil nie hierdie vir iemand anders hê nie.”

Smith is ’n elektriese kontrakteur en werk vir homself. Hy sê hy is sonder inkomste tot tyd en wyl hy herstel het.

Het jy dalk meer inligting rakende dié storie? Stuur gerus vir ons ‘n epos na editorial@rekord.co.za of skakel ons by 083 625 4114.

Vir jou daaglikse gratis gemeenskapsnuus, besoek Rekord se webwerwe:

Rekord Oos

Rekord Noord

Rekord Centurion

Rekord Moot

Besoek ook ons FacebookTwitter en Instagram blaaie.

  • Ons wil hê jy moet altyd weet wat in jou gemeenskap aangaan. Stuur ‘n epos met die woorde ‘Teken aan’ na breakingnews@rekord.co.za vir jou gratis daaglikse nuusflits.
  AUTHOR
Kristian Meijer
Journalist

Latest News

COMMENTS

pta_moot ptaeast ptanorthgetitlooklocal.co.zaAutodealer.co.za
Top
Next Story
Optometrist brothers André and Christo de Jager receive an award from the Lions International Clubs’ Alison Hadley-De Kock for their contribution to charity over the past 20 years.
Lions Clubs recognises two local optometrists