Menlopark se jonges gee Pretorianers hoop in VirSeker Beker toernooi

Nadat beide Garsfontein en Centurion se eerstespanne verlede week in die VirSeker Beker Makroskole liga se halfeindstryde uitgeskakel is, was twee van Menlopark se junior spanne darem ’n ligpunt  vir skolerugby liefhebbers van Pretoria wat dié liga volg.

Menlopark se o.16’s en o.14’s is beide die afgelope naweek as VirSeker Beker kampioene in hul ligas gekroon.

Vir die eerste keer sedert 2013 het Pretoria nie ’n verteenwoordiger in die eindstryd van die eerstespan liga in dié gesogte toernooi gehad nie. Garsfontein is verlede week op sy tuissveld deur Monument van Krugersdorp uitgeskakel toe die Wesranders die een halfeindstryd met 31-24 gewen het. Centurion moes na Nelspruit reis, waar hulle in die ander halfeindstryd met 7-45 vasgeval het.

Twee van Menlopark se junior spanne het egter gewys dat dié skool in die volgende paar jaar ’n krag in die Makroskole liga behoort te wees. Die o.16’s het 11 drieë ingeryg in hul eindstryd teen Dr. EG Jansen van Boksburg, wat hulle uiteindelik met 65-13 gewen het.

Menlo se o.14’s het ook in hul eindstryd amok gemaak deur Zwartkop met 49-0 pak te gee. Menlopark se jongspan het self nege keer agter die doellyn gaan kuier tydens hierdie wedstryd.

 

Vir jou daaglikse gratis gemeenskapsnuus, besoek Rekord se webwerwe:

  AUTHOR
Koos Venter
sport journalist

Latest News

COMMENTS

Top
Recommended Story x
Garsies wen bergfiets liga

Thanx for your referral. We have no doubt your friends will love our newsletter as much as you!

Don't forget to verify your email.

to our FREE newsletter
SUBSCRIBE to our FREE newsletter.




SELECT your titles:

Centurion Rekord
Rekord East
Rekord Moot
Rekord North


Your details:


Your friends: